ՄԱՐԻԵՏԱ ՍԱՀԱԿՅԱՆԻ <<ԱՏԱՄՀԱՏԻԿ>> ԳՐՔԻ ՇՆՈՐՀԱՆԴԵՍԸ ՔԱՂԱՔԱՅԻՆ ԳՐԱԴԱՐԱՆՈՒՄ 15.07.2017թ.

Հուլիսի 14-ին քաղաքային գրադարանում տեղի ունեցավ Մարիետա Սահակյանի մանկական բանաստեղծությունների <<Ատամհատիկ>> գրքի շնորհանդեսը: Բացման խոսքով հանդես եկավ գրադարանի տնօրեն Զեմֆիրա Սարգսյանը: Հեղինակին ուղղված շնորհավորանքի, երախտիքի ու գնահատանքի խոսքերով նա հետաքրքիր մեկնաբանություններով ներկաներին ծանոթացրեց գրքի բովանդակությանը: 
- Գրքում ներկայացված ստեղծագործությունները գրված են երեխաների համար մատչելի ու գրավիչ բառապաշարով, նրանց նկատմամբ անհուն սիրով ու բարությամբ, օգնում են ճանաչել շրջակա աշխարհը, կենդանիներն ու բույսերը անձնավորված են, արժանանում են հոգատար վերաբերմունքի, ապրում՝ մարդկային կյանքով ու առօրյայով: Կանխատեսելով երեխաների հարցասիրությունը՝ հեղինակը գրքում զետեղել է համառոտ տվյալներ բանաստեղծությունների հերոսների՝ կենդանիների, միջատների ու թռչունների մասին,- իր խոսքում նշեց գրադարանի տնօրենը: 
Մասնագիտությամբ նկարչուհի տիկին Մարիետան կիսվեց իր հետաքրքիր հիշողություններով, որոնք էլ դարձել են նրա համար ստեղծագործելու լավագույն նախապայմաններից մեկը: Նա պատրաստվում է տպագրել նաև հեքիաթների, հանելուկների և պատմվածքների գրքեր: 
Գրադարանի կրտսեր տարիքի ընթերցողները մեծ ուրախությամբ արտասանեցին <<Ատամհատիկ>> գրքում զետեղված բանաստեղծություններից: Ակտիվ ընթերցողներից Վարդուհի Բագրատյանը ընթերցեց իր <<Մանկություն>> բանաստեղծությունը, որը նվիրեց տիկին Մարիետային : Միջոցառմանը իրենց անակնկալ ներկայությամբ տիկին Մարիետային ուրախություն պարգևեցին նրա ուսանողները՝ <<Զատիկ>>մանկապարտեզի աշխատակիցներ տիկին Ռուզաննան և տիկին Մարինեն: Հյուրերը կիսվեցին իրենց անմիջական տպավորություններով, որից հետո ուրախ շուրջպարով ավարտվեց միջոցառումը: Հայկական ընտիր գինու գավաթներով, մրգերով ու անուշեղենով համեմվեցին շնորհավորանքի ու բարեմաղթանքի բոլոր խոսքերը: Պարզվեց, որ տիկին Մարիետան նաև հայկական ժողովրդական երգերի հիանալի կատարող է:

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Գրիմ եղբայրներ - Հեքիաթներ
    Պերրո Շ. - Հեքիաթներ
    Վուդսոն Ջ.- Ամեն բարություն
    Սարոյան Վ.- Առակներ

    Միջին և բարձր տարիք՝

    Սարգսյան Զ.- Անկատար խոստում
    Դերանց Մ.- Սեր և էմիգրացիա
    Գրին Ջոն  - Աստղերն են մեղավոր
    Մարկ Արեն - Վայրի վարդեր
    Մարկ Արեն - Սուրբ ծննդյան հրեշտակը
    Ստենդալ- Կարմիրը և սևը
    Ռեմարկ Է. - Հաղթական կամար
    Բրաուն Դեն - Ինֆեռնո
    Կոելյո Պ. - Վերոնիկան որոշում է մեռնել, 11 րոպե
    Կամյու Ա. - Օտարը
    Մենսոն Մ. - Թքել ենք բոլորս
    Պալացիո Ռ. - Հրաշքը


     

     

Մեկնաբանություն

events_details