ՄԵՐ ՏՈՆԱԿԱՆ ՕՐԸ 07.10.2019 թ.

Հոկտեմբերի 7-ին Ջերմուկի քաղաքային գրադարանի աշխատանքային օրն սկսվեց տոնական տրամադրությամբ: Գրադարանավարներին շնորհավորելու և նրանց մասնագիտական տոնն առավել գեղեցիկ դարձնելու նպատակով ծաղկեփնջերով գրադարան այցելեցին Ձախափի թիվ 2 դպրոցի 3-րդ Բ դասարանի աշակերտները իրենց դասվար Աննա Օհանջանյանի ուղեկցությամբ: Ուսուցչուհին ներկայացրեց բաց դաս և ընթերցանությունը աշակերտների մեջ խթանելու համար հետաքրքիր հարցադրումներով` նրանց ցույց տվեց իրական գրքերի աշխարհը, որ կոչվում է գրադարան: Գեղեցկադեմ Սյուզաննա Հարությունյանը ասմունքեց Ս. Կապուտիկյանի <<Հարստություն>> բանաստեղծությունը, իսկ Յանա Սահակյանը` սահուն ու գեղեցիկ, իր ընկերների համար պատմեց Հովհ. Թումանյանի <<Անտառի տնակը>> հեքիաթն ու մեկնաբանեց այդ հեքիաթի խորհուրդը: Երեխաները մեծ թղթերի վրա նկարել էին իրենց սիրելի հեքիաթների հերոսներին և մեկնաբանելով` խորհուրդ էին տալիս ընթերցել տվյալ հեքիաթը: Աշակերտներից մի քանիսը վերագրանցվելով՝ կրկին գրադարան այցելելու և գիրք վերցնելու հնարավորություն ունեցան: Ուսուցչուհին իր գոհունակությունն հայտնեց գրադարանի աշխատակիցներին՝ իր աշակերտներին գրքեր տրամադրելու և բարեհամբույր սպասարկելու համար: Գրադարան էր այցելել նաև բարձր տարիքի ընթերցող Մանուշակ Սարգսյանը և իր բարեմաղթանքները հղելով՝ գրադարանին նվիրեց գրքեր: Տոնական օրն ամփոփեցին Կեչուտի միջին դպրոցի աշակերտուհիները: Նրանք եկել էին շնորհավորելու գրադարանավարներին: Ասմունքեցին Պ. Սևակի, Հովհ. Շիրազի, Հ. Սահյանի, Շ. Ազնավուրի բանաստեղծությունները, ինչպես նաև ընթերցեցին աֆորիզմներ գրքին ու ընթերցանությանը նվիրված: Իր անակնկալ այցով գրադարանավարներին հաճելիորեն զարմացրեց Կեչուտի գրադարանի նախկին գրադարանավարուհի Անահիտ Ստեփանյանը: Կլոր սեղանի շուրջ նրա թոռնուհին՝ Անահիտ Ստեփանյանը մեծարանքի ու երախտագիտության խոսքեր հղեց գրադարանի ողջ աշխատակազմին և հանձնեց դպրոցի շնորհավորհագիրը: Շնորհակալական խոսքով հանդես եկավ գրադարանի տնօրենի ժ/պ Ռոզա Ավագյանը՝ ներկայացնելով գրադարանի ամբողջ տարվա կատարած արդյունավետ աշխատանքի ցուցանիշները, որոնք ձեռք են բերվել ընթերցողներին բավարար գրքերով ապահովելու, գրքային հավաքածուն համալրելու և նաև ընթերցողների քանակն ավելացնելու ջանքերով: Նա հույս հայտնեց, որ գրադարանավարի տոնն ամեն տարի գրադարանում նշելը ընթերցողների համար կդառնա բարի ավանդույթ:

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝

    Նազարյան Ռ. - Մայրենին բոլորի համար
    Սահակյան Վ.- Հոմանիշների, հականիշների դպրոցական  բառագիրք
    Թումանյան Հովհ.- Հեքիաթներ, Պատմվածքներ
    Աղայան Ղազարոս - Հեքիաթներ
    Անդերսեն Հ. Ք. - Հեքիաթներ
    Գրիմ եղբայրներ - Հեքիաթներ
    Մարուխյան Ռ. - Չիկարելիի արկածները
    Ռոուլինգ Ջ.- Հարրի Փոթեր և փիլիսոփայական քարը>> գիրք 1
    Ռոուլինգ Ջ.- Հարրի Փոթերը  և գաղտնիքների սենյակը>> գիրք 2
    Ռոուլինգ Ջ.- Հարրի Փոթերը և Ազքաբանի բանտարկյալը գիրք 3

     

    Միջին և բարձր տարիք՝


    Գրին Ջոն  - Աստղերն են մեղավոր
    Պաուլո Կ. - Ալքիմիկոսը
    Կամյու Ա. - Օտարը
    Մենսոն Մ. - Թքած ունենալու նուրբ արվեստը
    Պրեվո Աբբա - Մանոն Լեսկո
    Պյուզո Մ. - Կնքահայրը
    Սամվելյան Դ. - Արտագաղթած կարոտ
    Բաբայան Մ. - Ծխացող կարոտ
    Պետրոսյանց Մ. - Օրենքով գողը
    Աղաբեկյան Կ. - Կնոջ մենամարտը
    Տեր-Հովհաննիսյան Կ. - Արևի հետ
    Տեր- Հովհաննիսյան. - Պղպջակ
     

     

     

Մեկնաբանություն

events_details