ԳԱՐԵԳԻՆ ՆԺԴԵՀԻ <<ՈՐԴԻՆԵՐԻ ՊԱՅՔԱՐԸ ՀԱՅՐԵՐԻ ԴԵՄ>> ԳՐՔԻ ՇՆՈՐՀԱՆԴԵՍ 21.11.2019 թ.

Նոյեմբերի 21-ին քաղաքային գրադարանի լեփլեցուն ընթերցասրահում լուսաբանվեց Գարեգին Նժդեհի <<Որդիների պայքարը հայրերի դեմ>> գիրքը, որը հրատարակվել է 2019 թվականին <<Սասնա ծռեր>> համահայկական շարժման անդամների նախաձեռնությամբ: Գրքում ներկայացված են Նժդեհի հայրենասիրական, ազգի ինքնապահպանման գաղափարները և նրա ինքնակենսագրականը: Գրքի մասին ամբողջական նկարագրությամբ հանդես եկավ Վարուժան Ավետիսյանը` ներկայացնելով Նժդեհին որպես մարդ, հայրենասեր, պետական գործիչ և հերոս: Այս գիրքը հասցեագրված է հատկապես հայ երիտասարդներին, ովքեր իրենց հայրենիքի տերն են և իրենց հոգում պետք է լինի Նժդեհի ոգին:
- Գ. Նժդեհի գաղափարախոսությունը երբեք չի կարող կորցնել իր արդիականությունը, այն ազգի ինքնաճանաչման ու ինքնապահպանման ամենազորեղ ուժը կարող է լինել,- ասաց Վարուժան Ավետիսյանը: Գրքի մասին արտահայտվեց նաև պատմության ուսուցչուհի Գայանե Կարապետյանը.
-Նժդեհը ոչ միայն տարածել է հայրենասիրական գաղափարներ, այլև եղել է բարոյական մարդու կերպար: Դպրոցներում առաջին հերթին մենք ոչ միայն երեխաներին տալիս ենք հայրենասիության դասեր, այլև նրանց մեջ բարձրացնում ենք մարդկային որակը, դաստիարակում և կրթում այնպես, որ լինեն հայրենիքին պիտանի մարդիկ:
Գրքի մասին եղան նաև այլ արտահայտվողներ, որից հետո Վարուժան Ավետիսյանը գրքեր նվիրեց գրադարանին, ուսուցչուհիներին և մյուս ընթերցասերներին:

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Գրիմ եղբայրներ - Հեքիաթներ
    Պերրո Շ. - Հեքիաթներ
    Վուդսոն Ջ.- Ամեն բարություն
    Սարոյան Վ.- Առակներ

    Միջին և բարձր տարիք՝

    Սարգսյան Զ.- Անկատար խոստում
    Դերանց Մ.- Սեր և էմիգրացիա
    Գրին Ջոն  - Աստղերն են մեղավոր
    Մարկ Արեն - Վայրի վարդեր
    Մարկ Արեն - Սուրբ ծննդյան հրեշտակը
    Ստենդալ- Կարմիրը և սևը
    Ռեմարկ Է. - Հաղթական կամար
    Բրաուն Դեն - Ինֆեռնո
    Կոելյո Պ. - Վերոնիկան որոշում է մեռնել, 11 րոպե
    Կամյու Ա. - Օտարը
    Մենսոն Մ. - Թքել ենք բոլորս
    Պալացիո Ռ. - Հրաշքը


     

     

Մեկնաբանություն

events_details