Բաց դաս նվիրված Հովհաննես Թումանյանին

Փետրվարի 27-ին Ջերմուկի Ձախափնյակի թիվ 2 դպրոցի 3-րդ Բ դասարանի աշակերտները ` դասվար Աննա Օհանջանյանի ուղեկցությամբ այցելեցին քաղաքային գրադարան: Ուսուցչուհին անցկացրեց բաց դաս նվիրված Հ. Թումանյանին: Աշակերտները ներկայացրեցին գրողի կյանքն ու ստեղծագործական ուղին, արտասանեցին Թումանյանի քառյակներից, կատարեցին <<Ախ ինչ լավ է սարի վրա>> երգը, մեկնաբանեցին <<Ամենից լավ տունը>> բանաստեղծության գաղափարական բովանդակությունը, որը երեխաների ընկալմամբ իր մեջ պարունակում էր հայրենասիրություն և կարոտ: Նրանք նշեցին Հ. Թումանյանի գրած՝ իրենց սիրելի հեքիաթների անվանումները, այնուհետև բեմական խաղով ներկայացրեցին <<Սուտասանը>> հեքիաթը: Երեխաները մեծ թղթերի վրա նկարել էին Հ. Թումանյանին և իրենց սիրելի հեքիաթների հերոսներին: Նրանք բաց դասը ավարտեցին բազմաթիվ առած-ասացվածքներով : Գրադարանի աշխատակից տիկին Ռոզան Հ. Թումանյանի հեքիաթներից հատվածներ կարդաց, որպեսզի երեխաները գուշակեն, թե դրանք ո՞ր հեքիաթից են: Պարզվեց, որ նրանք գրադարանի գրքերը շատ սիրով են ընթերցում, որովհետև արագությամբ պատասխանում էին, թե որ հեքիաթից է այդ հատվածը: Նրանցից մի քանիսը գրանցվեցին որպես գրադարանի ընթերցողներ: Ուսուցչուհին իր գոհունակությունը հայտնեց գրադարանի աշխատակիցներին՝ աշակերտներին սիրով գրքեր տրամադրելու և բարեհամբույր սպասարկելու համար: Վերջիններս նույնպես ջերմ շնորհակալություն հայտնեցին դասվարին՝ տարվա մեջ մի քանի անգամ երեխաներին գրադարան բերելու, նրանց մեջ ընթերցանությունը խթանելու և ընթերցող-գրադարան ամուր կապը պահելու համար ու նվիրեցին Հ. Թումանյանի գրքերից / Պատմվածքներ, <<Թումանյանը խաղերի մեջ>>/:

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Գրիմ եղբայրներ - Հեքիաթներ
    Պերրո Շ. - Հեքիաթներ
    Վուդսոն Ջ.- Ամեն բարություն
    Սարոյան Վ.- Առակներ

    Միջին և բարձր տարիք՝

    Սարգսյան Զ.- Անկատար խոստում
    Դերանց Մ.- Սեր և էմիգրացիա
    Գրին Ջոն  - Աստղերն են մեղավոր
    Մարկ Արեն - Վայրի վարդեր
    Մարկ Արեն - Սուրբ ծննդյան հրեշտակը
    Ստենդալ- Կարմիրը և սևը
    Ռեմարկ Է. - Հաղթական կամար
    Բրաուն Դեն - Ինֆեռնո
    Կոելյո Պ. - Վերոնիկան որոշում է մեռնել, 11 րոպե
    Կամյու Ա. - Օտարը
    Մենսոն Մ. - Թքել ենք բոլորս
    Պալացիո Ռ. - Հրաշքը


     

     

Մեկնաբանություն

events_details