Գրքի շնորհանդես 06.09.2020թ.

Սեպտեմբերի 6-ին Ջերմուկի քաղաքային գրադարանի ընթերցասրահում տեղի ունեցավ երիտասարդ ստեղծագործող, համայնքի բնակչուհի Վարդուհի Բագրատյանի ՝ <<Տար ինձ քեզ հետ դեպ արև...>> անդրանիկ գրքի շնորհանդեսը: Ինչպես գրքի լույս ընծայմանը, այնպես էլ շնորհանդեսի կազմակերպմանը աջակցել և օգնել էր հարգարժան Գոհար Հունանյանը, որը նաև վարեց այն: Բացման խոսքում նա ասաց, որ իրեն դուր են եկել Վարդուհու բանաստեղծությունները, դրանցում գնահատում է հեղինակի պարզությունն ու ազնվությունը, նրա սերը հայրենիքի, բնության, հարազատ միջավայրի ու մարդկանց նկատմամբ: Այնուհետև բարձր դասարանների աշակերտները կարդացին գրքից առանձին բանաստեղծություններ: Գրադարանի տնօրեն տ. Զ. Սարգսյանը շնորհավորելով Վարդուհուն՝ ասաց, որ պոեզիայի ուղին դժվար ուղի է, այն մատչելի է միայն բացառիկ շնորհալիներին և հիշեցրեց սևակյան պատգամը, որ բանաստեղծ է նա, ով նոր խոսք ունի ասելու, ով կարող է գրել ավելի լավ, քան իր նախորդները: Ջերմ շնորհավորանքի խոսքով հանդես եկան Գորկու անվան դպրոցի վաստակաշատ ուսուցչուհի Մելանյա Գրիգորյանը և ուրիշներ: Ներկաները ուշադրությամբ լսեցին Վարդուհու շնորհակալական խոսքը: Վարդուհին նշեց, որ պոեզիայի հանդեպ սերը առաջացել է ուսանողական տարիներին, իր ստեղծագործությունները գրել է մեծ բանաստեղծ Պ. Սևակի ստեղծագործությունների ազդեցությամբ: Ժողովածուն բաղկացած է հետևյալ շարքերից <<Ներդաշնակություն, <<Աստված-հավատ, << Հորս նվեր>>, <<Երգ երգոց>>, <<Նոր էջից>>, <<Սիրո հեղաշրջում>>: <<Երգ երգոց>> շարքի բանաստեղծություններում, եթե Սևակը գովերգում է կնոջը, ապա Վարդուհին գովերգում է պատանուն և լրացնում է Աստվածաշնչյան <<Երգ երգոց>> բաժինը: Միջոցառումն ավարտվեց հյուրասիրությամբ:

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Խնկո Ապեր- Առակներ
    Սահակյան Մ. - Տիեզերքը հավքի թևին
    Ափոյան Հ. - Խաղալիքների տունը
    Ուայլդ Օ. - Եսասեր հսկան
    Լեոնարդո Դա Վինչի առակներ, հեքիաթներ, լեգենդներ
    Բաում Լ. - Օզի զարմանահրաշ կախարդը
    Քերոլ Լ. - Ալիսը հրաշքների աշխարհում
    Ստիլիտոն Ջ. - Սև ծովահենի արկածները
    Շահնազարյան Լ. - Թարս թզուկը
    Նյոստլինգեր Ք.- Կոնրադը
     

    Միջին և բարձր տարիք՝

    Սարգսյան Զ.- Անկատար խոստում
    Անանյան Վ. - Որսորդական պատմվածքներ
    Րաֆֆի - Պատմվածքներ, վիպակներ
    Ռոուլինգ Ջ. -  Հարրի Փոթեր Հ 1, 2, 3, 4
    Մոյես Ջ. - Ես մինչ քեզ
    Մարկ Արեն - Վայրի վարդեր
    Բրաուն Դեն - Ինֆեռնո
    Աթվուդ Մ. - Աղախնի պատմությունը
    Հոսեյնի Խ. - Հազար  չքնաղ արևներ
    Նապոլեոն Հիլ - Մտածիր և հարստացիր
    Ռոքֆելլեր Ջ. - Ինչպես դարձա միլիարդատեր
    Ուիլյամ Չ. - Խաղացողը
    Ռայխարդտ Հ. - Աշխարհի յոթ հրաշալիքները
    Марк Арен - Анатолийская история. Там где цветут дикие розы /роман/

     

Մեկնաբանություն

events_details