Երևանի պետական համալսարանի Միջազգային հարաբերություններ ֆակուլտետի 2-րդ կուրսի ուսանողուհի Ալվինա Մնացականյանի և մեր գրադարանի համատեղ նախաձեռնությամբ տեղի ունեցավ 《Ընթերցանությունն է իսկական մշակույթը》 խորագրով միջոցառումը, որին ներկա էին մշտական ընթերցողները և Ալվինայի ուսուցչուհիները: Ծավալվեց հագեցած քննարկում և ընթերցողները առանձնահատուկ խորությամբ մեկնաբանեցին իրենց կարդացած ամենատպավորիչ գրքերը, ներկայացրեցին մեջբերումներ, տրամադրեցին ու ոգեշնչեցին միմյանց: Իր խորհուրդներով և գրքերը արժևորելու յուրովի մեկնաբանություններով քննարկումը ամբողջացրեց պատմության ուսուցչուհի Գայանե Կարապետյանը։ Նա չառանձնացրեց որևէ գիրք, խոսեց այն գրքերի մասին, որոնք գրավել էին մեր ընթերցողներին, դրանց ավելացնելով իր համար կարևոր գրքերը։ Տիկին Կարապետյանի խորհուրդը մեր ընթերցողներին հետևյալն էր. <<Պետք է ճիշտ տնօրնել ժամանակը կարդալ, շա՜տ կարդալ. ընթերցանությունը անհրաժեշտ է բոլորին` անկաշկանդ հաղորդակցվելու , հարուստ բառապաշար ունենալու և մտահորիզոնը զարգացնելու համար>>:

Վարդուհի Բագրատյանը նշեց, որ ժամանակակից գրականություն կարդալուն զուգահեռ չպետք է մոռանալ հայ դասական գրականության և հատկապես պատմավեպերի մասին: Ներկայացրեց Մուրացանի <<Գևորգ Մարզպետունի>>, Դ.Դեմիրճյանի <<Վարդանանք>> վեպերի հիմքում ընկած գաղափարախոսությունը: Պատանի ընթերցասերներին առավել դուր էին եկել մոտիվացնող գրքերը ` Սմիթ Դ. <<Մտածիր ինչպես Մանդելան>>, Ռեմփել Չ. <<Խաղացողը>> , Ն. Հիլ <<Մտածիր և հարստացիր>>, Ռ. Շարմա <<Վանականը, որը վաճառեց իր Ֆերարին>>, Պ. Կոելյո <<Ալքիմիկոսը>>, <<Վերոնիկան որոշում է մեռնել>>, Մ.Արենի, Խ. Հոսեյնի, Դ.Քարնեգիի ստեղծագործությունները: Ընթերցողները շնորհակալություն հայտնեցին Ջերմուկի քաղաքային գրադարանին նոր գրքերով գրադարանը հաճախակի համալրելու համար և նշեցին, որ նոր գրքերի առատությամբ մեր գրադարանը տարբերվում է: Միջոցառումն ավարտվեց ջերմ մթնոլորտում: Վստահ ենք,որ նման նախաձեռնությունները շարունակական կլինեն մեր ընթերցասերների կողմից։

#նախաձեռնում_են_ընթերցողները #Ալվինա_Մնացականյան