ԳՐԱԴԱՐԱՆԻ ՆՈՐ ԳՐՔԵՐԸ 19.10.2018թ.

Վերջերս Ջերմուկի քաղաքային գրադարանի հավաքածուն համալրվեց նոր արժեքավոր փաստա-վավերագիր հետևյալ գրքերով.

ա/ Սիմոնյան Աշոտ, «Վայոց ձորի 1930 և 1931 թվերի ապստամբությունները: Կոմունիզմի զոհերի հիշատակին»: «Սյունիք-Վայոց ձորի հոգևոր և պատմամշակութային ժառանգություն» մատենաշար, գիրք 5: Երևան, Լուսակն, 2018, 700 էջ: Ականատեսների հուշագրություններ, վկայություններ, լուսանկարներ, հոդվածներ, պաշտոնական փաստաթղթեր, դատաքննչական և այլ նյութեր: Վայոց ձորի միջին և ավագ սերնդի բնակիչներից շատերը այս գրքում կկարդան այդ դժնդակ տարիներին իրենց հայրերի ու պապերի հետ պատահած փորձությունների և հալածանքների, խեղված ճակատագրերի, կրած տառապանքների պատմությունները: Գիրքն ունի տեղանունների ցանկ:

բ/ Սմբատյան Գրիշա, «Սյունիքը փորձության մեջ: Հայ թաթարական բախումները»: «Սյունիք-Վայոց ձորի հոգևոր և պատմամշակութային ժառանգություն» մատենաշար, գիրք 4: Երևան, Անտարես, 2017 թ., 640 էջ+ 72 էջ ներդիր: Ծավալուն փաստական նյութերի՝ գրականության, վավերագրերի, հուշագրությունների, մամուլի հրապարակումների հիման վրա գրվել ու նորովի լուսաբանվել է Սյունիքում 1905-1906 թ.թ. հայ-թաթարական բախումների պատմությունը: Կան բազմաթիվ լուսանկարներ: Գիրքն ունի հատուկ անունների ցանկ (տեղանուններ, անձնանուններ):

գ/ . Ճէրէճեան Եղիկ, «Մեծն Մուրատ (Համբարձում Պոյաճեան)»: Հրասիրտները, մատենաշար թիվ 1: Երևան, ՀՀ ԳԱԱ Պատմության ինստիտուտ, 2016 թ., 248 էջ
. Ճէրէճեան Եղիկ, «Ս. Վահագն (Գրիգոր Նալպանտեան)»: Հրասիրտները, մատենաշար թիվ 2: Բեյրութ, 2017 թ., 222 էջ
. Ճէրէճեան Եղիկ, «Պանդուխտ (Միքայել Սերեան)»: Հրասիրտները, մատենաշար թիվ 3: Բեյրութ, 2018 թ., 238 էջ
Այս գրքերը 20-րդ դարասկզբի հայ ազգային ազատագրական պայքարի և այդ պայքարին՝ Ս. Դ. Հնչակյան կուսակցության հիշարժան ու երևելի գործիչների անձնուրաց մասնակցության, անցած բարդ ու դժվարին ուղու մասին է: Օգտագործված են արխիվային հարուստ նյութեր, ժամանակի մամուլի հրապարակումներ, հուշագրություններ, լուսանկարներ:

Մեր երախտագիտությունը հարգարժան պարոն Եղիկ Ճէճէճեանին սույն երեք մենագրությունները Ջերմուկի գրադարանին նվիրելու համար:

 

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝

    Նազարյան Ռ. - Մայրենին բոլորի համար
    Սահակյան Վ.- Հոմանիշների, հականիշների դպրոցական  բառագիրք
    Թումանյան Հովհ.- Հեքիաթներ, Պատմվածքներ
    Աղայան Ղազարոս - Հեքիաթներ
    Անդերսեն Հ. Ք. - Հեքիաթներ
    Գրիմ եղբայրներ - Հեքիաթներ
    Մարուխյան Ռ. - Չիկարելիի արկածները
    Ռոուլինգ Ջ.- Հարրի Փոթեր և փիլիսոփայական քարը>> գիրք 1
    Ռոուլինգ Ջ.- Հարրի Փոթերը  և գաղտնիքների սենյակը>> գիրք 2
    Ռոուլինգ Ջ.- Հարրի Փոթերը և Ազքաբանի բանտարկյալը գիրք 3

     

    Միջին և բարձր տարիք՝


    Գրին Ջոն  - Աստղերն են մեղավոր
    Պաուլո Կ. - Ալքիմիկոսը
    Կամյու Ա. - Օտարը
    Մենսոն Մ. - Թքած ունենալու նուրբ արվեստը
    Պրեվո Աբբա - Մանոն Լեսկո
    Պյուզո Մ. - Կնքահայրը
    Սամվելյան Դ. - Արտագաղթած կարոտ
    Բաբայան Մ. - Ծխացող կարոտ
    Պետրոսյանց Մ. - Օրենքով գողը
    Աղաբեկյան Կ. - Կնոջ մենամարտը
    Տեր-Հովհաննիսյան Կ. - Արևի հետ
    Տեր- Հովհաննիսյան. - Պղպջակ
     

     

     

Մեկնաբանություն

news_details