ԳՐԱՎԻՉ, ՏԱՔ ՈՒ ԼՈՒՍԱՎՈՐ ԺՈՂՈՎԱԾՈՒ ՄԱՆՈՒԿՆԵՐԻ ՀԱՄԱՐ՝ մեր գրադարանի նոր գիրքը 18.04.2019 թ.

Լույս է տեսել մանկագիր Հենրիկ Բաբաջանյանի մանկական բանաստեղծությունների ժողովածուն՝ «ԵՐԱԶԿՈՏ ՍԱԹՈՆ» : Այն հոգեհարազատ խոսք ու զրույց է մանուկների հետ՝ նրանց մասին, նրանց շրջապատող բազմաբովանդակ աշխարհի, իմանալի ու անիմանալի երևույթների, երեկվա, այսօրվա ու վաղվա մասին: Կարճ, սակայն ընդգրկուն սյուժետային պատառիկները, գործողություններն ու պատկերները ներկայացված են ռիթմի ու բովանդակության ներդաշնակ միասնությամբ: Օգտագործված է մանուկների իմացական բառապաշարը, միջավայրը մտերմիկ է, գրավիչ, տաք ու լուսավոր:


«Երազում եմ, երազու՜մ,
Բժիշկ դառնալ եմ ուզում.
Որ մարդ ցավից չլացի-
Գնամ տկարին այցի:
….
Բուժեմ հիվանդ տատիկի,
Բուժեմ տկար պապիկի,
Ով ջերմ ունի, կամ էլ՝ հազ
Գնամ մոտը վազեվազ,
Չանեմ նրան հուսախաբ,
Նշանակեմ դեղ ու հաբ,
Որ ծերերը լինեն ողջ,
Մանուկները մեր՝ առողջ»:


Ընդհանրապես, մանուկների համար գրական ստեղծագործությունը պետք է ունենա դաստիարակչական, ճանաչողական և ուսուցողական բաղադրիչներ, որոնք պարտադիր չէ, որ հրամցվեն քարոզի տեսքով: Դրանք պետք է ընկալվեն ըստ էության, տպավորեն ու հիշվեն: Հենց այս կարևոր ու անհրաժեշտ խնդիրը վարպետորեն է լուծված վերոնշյալ գրքում: Թեմաները բազմազան են ու բազմագույն. հայրենիք, հիմն ու դրոշ, բնություն, հարազատ մարդիկ, գյուղ ու քաղաք, տուն, բակ ու դպրոց և այն ամենը, ինչով լցված է մանուկների հոգեկան ու հուզական աշխարհը: 
Համոզված եմ, որ փոքրիկներ ունեցող ընտանիքներում «Երազկոտ Սաթոն» գիրքը կդառնա սիրելի ու ցանկալի, դասվարներն ու դաստիարակները կարող են օգտագործել մանկավարժական աշխատանքում ու զանազան միջոցառումներում:

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Գրիմ եղբայրներ - Հեքիաթներ
    Պերրո Շ. - Հեքիաթներ
    Վուդսոն Ջ.- Ամեն բարություն
    Սարոյան Վ.- Առակներ

    Միջին և բարձր տարիք՝

    Սարգսյան Զ.- Անկատար խոստում
    Դերանց Մ.- Սեր և էմիգրացիա
    Գրին Ջոն  - Աստղերն են մեղավոր
    Մարկ Արեն - Վայրի վարդեր
    Մարկ Արեն - Սուրբ ծննդյան հրեշտակը
    Ստենդալ- Կարմիրը և սևը
    Ռեմարկ Է. - Հաղթական կամար
    Բրաուն Դեն - Ինֆեռնո
    Կոելյո Պ. - Վերոնիկան որոշում է մեռնել, 11 րոպե
    Կամյու Ա. - Օտարը
    Մենսոն Մ. - Թքել ենք բոլորս
    Պալացիո Ռ. - Հրաշքը


     

     

Մեկնաբանություն

news_details