ՈՐՈՏԱՆ (ԲԱԶԱՐՉԱՅ) ԳԵՏԻ ՊԱՏՄԱԿԱՆ ԱՆՈՒՆԸ՝ ՁԿՆԱՐԱԾ

Ջերմուկի քաղաքային գրադարանը ձեռք է բերել վերջերս հրատարակված «ՍՅՈՒՆԻՔ – ՎԱՅՈՑ ՁՈՐԻ ՀՈԳԵՎՈՐ ԵՎ ՊԱՏՄԱՄՇԱԿՈՒԹԱՅԻՆ ԺԱՌԱՆԳՈՒԹՅՈՒՆ» մատենաշարի 7-րդ գիրքը, որում ամփոփված են Վայոց ձորի պատմության և մշակույթի մեծ պատմագիր, բժիշկ Քաջբերունու՝ Գաբրիել Տեր-Հովհաննիսյանի, (1837-1920), «Ճանապարհորդական նկատողություններ» հոդվածաշարը, ժամանակի պարբերական մամուլում նրա այն հրապարակումները, որոնք վերաբերում են Վայոց ձորին, ինչպես նաև՝ հեղինակի մասին նյութեր: «Ճանապարհորդական նկատողություններ» երկում նկարագրված են Արևելյան Հայաստանի բազում վանքերը, ժողովուրդը, կենցաղը, ավանդույթները, հին ու նոր սովորույթները: Հետաքրքրությամբ են ընթերցվում «Դպրոցական գործը Շարուր-Դարալագյազի գավառում» հոդվածը, «Արյան վրեժը», «Հայկական սովորություններ» գրքից Վայոց ձորին վերաբերող հատվածները: Գրքում կան բազմաթիվ լուսանկարներ, անձնանունների ու տեղանունների ցանկեր և այլն:
Գնդեվազի և Գնդեվանքի հիմնադրման պատմական փաստերի շարադրանքի մեջ հանդիպում ենք Որոտան (Բազարչայ) գետի մասին հետևյալ վկայությանը .
Էջ 114 – Գնդեվանքի առաջնորդ հայր Սարգիսը 1004 թվականին «մեծ աշխատությամբ և ծախքով բերում է առվակ Ձկնարած քաղցրահամ գետի ակունքներից վանական անդաստանները ջրելու համար: Հայր Սարգիսը սևադեղով արձան է գրում եկեղեցու վրա, մեծամեծ նզովքներով փակում է, որպեսզի ոչ ոք չհամարձակվի կտրել ջուրը կամ բաժին հանել նրանից: Թեև այս արձանագրության նշանը անգամ չէ երևում այժմ, բայց առվակի արդյունալից օգուտը մինչև ներկան տարածվում է Գնդեվազ գյուղի բնակիչների վրա: Հին Ձկնարած գետը ներկայումս կոչվում է Բազարչայ. Բազար գյուղի ավերակներից, որ նրա ակունքների մոտ է: Բազարչայը առնելով իր սկիզբը Գնդեվազից դեպի արևելք գտնվող բարձր, դիտավոր սարից՝ գնում է դեպի Ղարաբաղ: Դրա ակունքի ձախ ափից ահա բերվել է Գնդեվազի առվակը»:

 

                                                                                                                                                                                                                                                                                                                                       Տնօրեն `  Զեմֆիրա Սարգսյան

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Գրիմ եղբայրներ - Հեքիաթներ
    Պերրո Շ. - Հեքիաթներ
    Վուդսոն Ջ.- Ամեն բարություն
    Սարոյան Վ.- Առակներ

    Միջին և բարձր տարիք՝

    Սարգսյան Զ.- Անկատար խոստում
    Դերանց Մ.- Սեր և էմիգրացիա
    Գրին Ջոն  - Աստղերն են մեղավոր
    Մարկ Արեն - Վայրի վարդեր
    Մարկ Արեն - Սուրբ ծննդյան հրեշտակը
    Ստենդալ- Կարմիրը և սևը
    Ռեմարկ Է. - Հաղթական կամար
    Բրաուն Դեն - Ինֆեռնո
    Կոելյո Պ. - Վերոնիկան որոշում է մեռնել, 11 րոպե
    Կամյու Ա. - Օտարը
    Մենսոն Մ. - Թքել ենք բոլորս
    Պալացիո Ռ. - Հրաշքը


     

     

Մեկնաբանություն

news_details