Գրքի տոնը գրադարանում 19.02.2021 թ.

Ինչպես գիտենք, ամեն տարի ամենայն հայոց բանաստեղծ Հ․ Թումանյանի ծննդյան օրը՝ փետրվարի 19-ը, նշվում է որպես գիրք նվիրելու օր: Առավոտյան տոնական մեկնարկը Ջերմուկի քաղաքային գրադարանում սկսվեց «Զատիկ» մանկապարտեզի միջին խմբի այցելությամբ: Նրանցից յուրաքանչյուրը իր հետ բերել էր մեկական գիրք և այն նվիրեց իր խմբակիցներից մեկին։ Հետո հատվածաբար պատմեցին իրենց սովորած հեքիաթները։ Տնօրեն տիկին Զեմֆիրա Սարգսյանը հանդես եկավ ջերմ բարեմաղթանքով և երեխաներին նվիրեց իր հեղինակային «Շուտ մեծանամ » մանկական բանաստեղծությունների պատկերազարդ գիրքը, իսկ դաստիարակներին՝ «Անկատար խոստում» պատմվածքների և վիպակների գիրքը: Նրանք գրադարանից հեռացան տոնական տրամադրությամբ:

Օրվա երկրորդ կեսին տոնական բուն միջոցառմանը ներկա էին բազմաթիվ ընթերցողներ և հյուրեր: Տնօրենը համառոտ ամփոփեց գրադարանի աշխատանքը 2020 թ-ին և հրապարակեց այդ տարվա ամենակրտսեր, ամենաակտիվ և ամենաավագ ընթերցողների անունները : Ամենաավագ ընթերցողներն էին Ժենյա Մարտիրոսյանը /65 տարեկան, 22 գիրք / և Ստյոպա Դավթյանը /73 տարեկան, 21 գիրք/, ամենակրտսեր ընթերցողներն էին 8 տարեկան Լիլի Դավթյանը /6 գիրք/ և 4-րդ դասարանի աշակերտուհի Նազենի Եղիյանը /37 գիրք/ , 6-րդ դասարանի աշակերտ Արգիշտի Մարգարյանը/35 գիրք/, Տարոն Ավագյանը /30գիրք/: Միջին տարիքի ընթերցողներից ակտիվ են եղել Արաքսյա Մարգարյանը/44 գիրք/, ԵՊՀ-ի ուսանողուհի Ալվինա Մնացականյանը/25գիրք/, բուժքույր Գոհար Համբարձումյան /45 գիրք/: Քաղաքային գրադարանի կողմից գրքեր նվեր ստացան ոչ միայն նշված ընթերցողները, այլ նաև բոլոր ներկա գտնվողները։

Տնօրեն տիկին Սարգսյանը հյուրերին պատմեց մեկ շաբաթ առաջ գրադարանի կողմից ձեռք բերված՝ գրող և լրագրող Վրեժ Սարուխանյանի գրքերի մասին և ներկայացրեց դրանք որպես հետաքրքիր, պատմա-հայրենասիրական մոտիվներով գրված պատմվածքների ժողովածուներ։

Ջերմ շնորհավորանքի խոսքեր հղեցին ավագանու անդամ, բժշկուհի Հասմիկ Սարգսյանը, մայրենի լեզվի նախկին ուսուցիչ Գրիշա Գրիգորյանը, հայոց լեզվի և գրականության ուսուցչուհի Ալիսա Ամիրջանյանը, ավագ ընթերցողներից Ժենյա Մարտիրոսյանը։ Նրանք բարձր գնահատեցին սերունդների մտավոր զարգացման գործում գրադարանի և գրքի դերն ու նշանակությունը: Գրադարանը նույնպես գրքերի նվիրատվություն ստացավ հյուրերի կողմից։ Ջերմ ու բարի մթնոլորտում ավարտվեց տոնակա

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Խնկո Ապեր- Առակներ
    Սահակյան Մ. - Տիեզերքը հավքի թևին
    Ափոյան Հ. - Խաղալիքների տունը
    Ուայլդ Օ. - Եսասեր հսկան
    Լեոնարդո Դա Վինչի առակներ, հեքիաթներ, լեգենդներ
    Բաում Լ. - Օզի զարմանահրաշ կախարդը
    Քերոլ Լ. - Ալիսը հրաշքների աշխարհում
    Ստիլիտոն Ջ. - Սև ծովահենի արկածները
    Շահնազարյան Լ. - Թարս թզուկը
    Նյոստլինգեր Ք.- Կոնրադը
     

    Միջին և բարձր տարիք՝

    Սարգսյան Զ.- Անկատար խոստում
    Անանյան Վ. - Որսորդական պատմվածքներ
    Րաֆֆի - Պատմվածքներ, վիպակներ
    Ռոուլինգ Ջ. -  Հարրի Փոթեր Հ 1, 2, 3, 4
    Մոյես Ջ. - Ես մինչ քեզ
    Մարկ Արեն - Վայրի վարդեր
    Բրաուն Դեն - Ինֆեռնո
    Աթվուդ Մ. - Աղախնի պատմությունը
    Հոսեյնի Խ. - Հազար  չքնաղ արևներ
    Նապոլեոն Հիլ - Մտածիր և հարստացիր
    Ռոքֆելլեր Ջ. - Ինչպես դարձա միլիարդատեր
    Ուիլյամ Չ. - Խաղացողը
    Ռայխարդտ Հ. - Աշխարհի յոթ հրաշալիքները
    Марк Арен - Анатолийская история. Там где цветут дикие розы /роман/

     

Մեկնաբանություն

events_details