<< Ա Ն Թ Ա Ռ Ա Մ Ն Ե Ր >>

Ջերմուկի քաղաքային գրադարանի տնօրեն, մանկական հեքիաթների ու բանաստեղծությունների հեղինակ Զեմֆիրա Սարգսյանի պատրաստած հերթական նոր գիրքը՝ <<Անթառամներ>> խորագրով, իր համաստ տեղը գտավ քաղաքային գրադարանում: Գիրքը մանկական ու պատանեկան տարիների հուշապատում է մանրակերտ դիպվածներով՝ նախատեսված միջին և բարձր տարիքի ընթերցողների համար: Հեղինակը ծնվել և մեծացել է Սիսիանի շրջանի նախկին Բազարչայ գյուղում, որը հետագայում մնացել է Սպանդարյանի ՀԷԿ-ի ջրամբարի տակ: Անցել են երկար ու ձիգ տարիներ և այդ ջրամբարի ծփուն ջրերի տակ մնացած մանկության ու պատանեկության կարոտը հեղինակին մղել է վերհիշել ու թղթին հանձնել իր ծննդավայրի համն ու հոտը պատկերող անթառամ դրվագներ, որոնք դարձել են անցած օրերի մտածելակերպի, բարքերի ու կենցաղի մասին պատմող հետաքրքիր պատմություններ: <<Առաջին լուսանկար>> (լուսանկարը զետեղված է պատումի վերջում), <<Իմ առաջին սեպտեմբերի մեկը>>, <<Իմ առաջին գրադարանը>>, <<Անունս>>, <<Աղի բլիթի պատմություն>>, <<Պիշկի, կալաչ, լավաշ>> և այլ հուշապատումները անձնական են ու խորապես ապրված: Մարդկային առաքինություններից մեկի՝ բարեգործության մասին հուզիչ պատում է <<Կարմիր գինու բույրը>>: Իր ծննդավայրը՝ որպես մի դրախտավայր, ներկայացված է <<Աշխարհս մեռնել կա…>> պատումի մեջ: Հումորային դրվագ է վերջին՝ <<Պաչե՛մ, Ռիտա>> պատմությունը: 
<<ԱՆԹԱՌԱՄՆԵՐ>> գրքի մանրապատումների ընթերցումից հետո յուրաքանչյուրն իր մանկություն վերադառնալու մի տաք ցանկությամբ է պարուրվում: Փոխվել է մեր կյանքը, կենցաղավարությունը, բայց այն հուշերը, որոնք ստիպում են զգալ արմատները և ծննդավայրում ապրած կյանքի օրերը, երբեք ու երբեք չեն մոռացվում՝ անթառամ մնալով մեր սրտերում:
Պատումների վերջում կա մաքուր էջ, որի վրա գրված է միայն մեկ բառ. <<Շարունակելի>>: Ահա, ուրեմն սպասենք նոր պատմությունների:

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝

    Նազարյան Ռ. - Մայրենին բոլորի համար
    Սահակյան Վ.- Հոմանիշների, հականիշների դպրոցական  բառագիրք
    Թումանյան Հովհ.- Հեքիաթներ, Պատմվածքներ
    Աղայան Ղազարոս - Հեքիաթներ
    Անդերսեն Հ. Ք. - Հեքիաթներ
    Գրիմ եղբայրներ - Հեքիաթներ
    Մարուխյան Ռ. - Չիկարելիի արկածները
    Ռոուլինգ Ջ.- Հարրի Փոթեր և փիլիսոփայական քարը>> գիրք 1
    Ռոուլինգ Ջ.- Հարրի Փոթերը  և գաղտնիքների սենյակը>> գիրք 2
    Ռոուլինգ Ջ.- Հարրի Փոթերը և Ազքաբանի բանտարկյալը գիրք 3

     

    Միջին և բարձր տարիք՝


    Գրին Ջոն  - Աստղերն են մեղավոր
    Պաուլո Կ. - Ալքիմիկոսը
    Կամյու Ա. - Օտարը
    Մենսոն Մ. - Թքած ունենալու նուրբ արվեստը
    Պրեվո Աբբա - Մանոն Լեսկո
    Պյուզո Մ. - Կնքահայրը
    Սամվելյան Դ. - Արտագաղթած կարոտ
    Բաբայան Մ. - Ծխացող կարոտ
    Պետրոսյանց Մ. - Օրենքով գողը
    Աղաբեկյան Կ. - Կնոջ մենամարտը
    Տեր-Հովհաննիսյան Կ. - Արևի հետ
    Տեր- Հովհաննիսյան. - Պղպջակ
     

     

     

Մեկնաբանություն

news_details