ՋԵՐՄՈՒԿԻ ՔԱՂԱՔԱՅԻՆ ԳՐԱԴԱՐԱՆԻ 2016 Թ. ԱՐԴՅՈՒՆՔՆԵՐԸ 25.01.2017թ.

Ամփոփվել են Ջերմուկի քաղաքային գրադարանի 2016 թվականի արդյունքները: Գրադարանի ծառայություններից տարեց-տարի ավելի շատ ընթերցողներ են օգտվում, չնայած այն հանգամանքին, որ համացանցի հնարավորությունները առավել հարմար, արագ ու բազմազան տեղեկատվություն են տրամադրում քաղաքացիներին, տարատեսակ ժամանցային ծրագրերով զբաղեցնում թե մեծերին և թե փոքրերին: Եթե 2015 թվականին գրադարանի ընթերցողների թիվը կազմել է 683, ապա 2016 թվականին այն ավելացել է և կազմել 757: 2016 թվականին ընթերցողների թվաքանակի բաշխվածությունը ըստ տարիքի հետևյալ պատկերն է ներկայացնում. մինչև 15 տարեկան – 467, 16-ից 25 տարեկան - 153, որից կանայք՝ 108, 26-ից 40 տարեկան – 79, որից կանայք՝ 54, 41-ից 63 տարեկան – 44, որից կանայք՝ 25, 64 տարեկան և բարձր – 14, որից կանայք՝ 8: Ըստ կրթության պատկերը հետևյալն է. միջնակարգ կրթությամբ – 84, որից կանայք՝ 68, միջին-մասնագիտական կրթությամբ – 70, որից կանայք՝ 44, թերի բարձրագույն և բարձրագույն կրթությամբ - 86, որից կանայք՝ 56: Գրադարանային հավաքածուն 2016 թվականին համալրվել է 368 օրինակ գրականությամբ: Գրադարանն ապահովված է համակարգչային տեխնիկայով, ունի համացանցի հետ կապ, աշխատում է նաև շաբաթ, կիրակի օրերին և առանց ընդմիջման, ինչի արդյունքում աճել են ընթերցողների հաճախումների և գրականության տացքի ցուցանիշները: Այս ամենին զուգահեռ մանրակրկիտ աշխատանքներ են տարվում մաշված, ոչ պիտանի, կամ արդիականությունը կորցրած, ինչպես նաև բազմօրինակ գրականության զտումների, գրականության գրանցման ու դասակարգումների ճշգրտման, մատենագիտական աշխատանքների ուղղությամբ: Մշտապես թարմացվում են նոր ստացված գրականության ցուցափեղկերը: Կրտսեր ու միջին տարիքի ընթերցողները հաճախ են դիմում անորոշ պահանջներով. ոչ թե այս ինչ գիրքը կամ այն ինչ հեղինակի ստեղծագործությունը, այլ այս կամ այն թեմայով նյութեր: Այդ պահանջները հնարավորինս բավարարելու նպատակով 5-ական օրինակներով կազմվել ու համապատասխան նկարազարդումներով ձևավորվել են հետևյալ խորագրերով թեմատիկ ժողովածուները.
* ՀԱՅԱՍՏԱՆ, ՀԱՅՐԵՆԻՔ ԻՄ ՉՔՆԱՂ
* ՀԱՅՐԵՆԻՔԻՍ ՀԶՈՐ ԲԱՆԱԿ
* ՄԵՐ ԱՅԲՈՒԲԵՆԸ, ՄԵՐ ՄԱՅՐԵՆԻ ԼԵԶՈՒՆ
* ԿՅԱՆՔԻՍ ՓԱՐՈՍԸ ԱՆՄԱՐ ( ուսուցիչներին նվիրված )
* ԵՍ ԱՇՈՒՆՆ ԵՄ ՍԻՐՈՒՄ
* ԱՐԻ՛, ՆՈՐ ՏԱՐԻ
* ՁՄԵՌ Է, ՁՄԵՌ
* ՄԱՅՐ ԻՄ ԱՆՈՒՇ
* ԴՊՐՈՑ՝ ԿՅԱՆՔԻ ԴԱՐԲՆՈՑ
Այս ժողովածուներում ընդգրկվել են ոչ միայն դասական , այլ նաև ժամանակակից հեղինակների, (ցավոք՝ դեռևս քիչ հայտնի), մանկական ստեղծագործությունները: Ժողովածուներում նոր նյութերի ընդգրկումը կշարունակվի:
Կազմակերպվել են հանդիպումներ գրողների հետ, միջոցառումներ ընթերցողների մասնակցությամբ և այլն: Գրադարանը բաժանորդագրությամբ ստանում է <<Հայաստանի Հանրապետություն>>, <<Իրավունք>>, <<Առավոտ>>, <<Ազգ>>, <<Հանրային ծառայություն>>, <<Գործընթաց>>, <<Կանչ>>թերթերը: Հաշվի առնելով, որ <<Կանչ>> թերթի նյութերի մեծ մասը դպրոցահասակ երեխաների համար գիտաճանաչողական նշանակություն ունեն՝ թերթի հավաքածուն տրամադրվում է տնային ընթերցանության համար: Գրադարանի ինտերնետային ֆեյսբուքյան էջի դիտորդների թիվը գերազանցում է 1500-ը: Այդ էջում լուսաբանվում է ընթացիկ աշխատանքը, հրապարակվում են նոր ստացված գրքերի ցուցակները:
Տնօրեն՝ Զ. Սարգսյան

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Գրիմ եղբայրներ - Հեքիաթներ
    Պերրո Շ. - Հեքիաթներ
    Վուդսոն Ջ.- Ամեն բարություն
    Սարոյան Վ.- Առակներ

    Միջին և բարձր տարիք՝

    Սարգսյան Զ.- Անկատար խոստում
    Դերանց Մ.- Սեր և էմիգրացիա
    Գրին Ջոն  - Աստղերն են մեղավոր
    Մարկ Արեն - Վայրի վարդեր
    Մարկ Արեն - Սուրբ ծննդյան հրեշտակը
    Ստենդալ- Կարմիրը և սևը
    Ռեմարկ Է. - Հաղթական կամար
    Բրաուն Դեն - Ինֆեռնո
    Կոելյո Պ. - Վերոնիկան որոշում է մեռնել, 11 րոպե
    Կամյու Ա. - Օտարը
    Մենսոն Մ. - Թքել ենք բոլորս
    Պալացիո Ռ. - Հրաշքը


     

     

Մեկնաբանություն

news_details