Շնորհակալություն ենք հայտնում գրադարանի մշտական ընթերցող Մանուշակ Սարգսյանին` գրադարանավարի օրվա առիթով գրադարանին  գիրք նվիրելու համար: Մեր ընթերցողը լրջորեն ուսումնասիրում է հայոց պատմությունը,  եղել է Արևմտյան Հայաստանում և իր տպավորություններով կիսվեց գրադարանի աշխատողների հետ: Ցանկանում է իր նվիրած հետևյալ գրքերով ուղղորդել երիտասարդներին` ավելի լավ ճանաչելու հայ ժողովրդի պատմությունն ու  Հայաստանը:  
- Մովսիսյան Արտակ, ԱրևմտյանՀայաստանի 10 ուխտավայրեր , 2015 թ.: Անի, Կարս, Դարույնք /Բայազետ/, Այանց/ Այանիս/,  Վան, Աղթամար, Տիգրանակերտ /Նփրկերտ, Սիլվան/, Եդեսիա, Արշամեա, Նեմրութի սրբավայր: Գրքի նկարները թերթելով և նրանց մասին պատմող դրվագներին ծանոթանալով` ընթերցողը կարող է մտովի հայտնվել Արևմտյան Հայաստանում: Սա կարող է լինել փոքրիկ գրքային ճանապարհորդություն և հնարավորություն ստեղծել ընթերցողին ավելի լավ ճանաչելու իր պատմությունը, բացահայտել այսօր Թուրքիայի տիրապետության տակ գտնվող հայկական լեռնաշխարհի մեծագույն մասը:
- Բախչինյան Ֆելիքս <<Անպատմելի պատմությունը հայի>>  /հուշագրություն/ , 2019 թ. : Այստեղ նկարագրված է տարագիր հայի` Եղեռնի ականատես , Երուսաղեմի թարգմանչաց վարժարանի ավագ ուսուցիչ Սեդրաք Պաղտոյանի կյանքն ու գործունեությունը: