ԱՄԵՆ ԴԵՊՔՈՒՄ ԵՍ ՆԱԽԸՆՏՐՈՒՄ ԵՄ ԳԻՐՔԸ

 

Շնորհակալություն գրադարանի ակտիվ ընթերցող Ալվինա Մնացականյանին հաճելի և անկեղծ հարցազրույցի համար : Ալվինան սովորում է Երևանի պետական համալսարանի միջազգային հարաբերություններ ֆակուլտետի 1-ին կուրսում:
-Սիրո՞ւմ ես գիրք կարդալ և ինչպիսի՞ գրքեր ես նախընտրում:
- Այո, շատ եմ սիրում: Սկսել եմ ավելի շատ կարդալ մոտիվացնող, հոգեբանական գրքեր, բայց բոլոր ժանրերն էլ ինձ համար նախընտրելի են, քանի որ գիրքը բացելուն պես ես գտնում եմ ինչ-որ հետաքրքիր բան:
- Ե՞րբ ես առաջին անգամ գրադարան այցելել և ո՞րն է եղել քո ընտրած առաջին գիրքը:
- Անկեղծ ասած չեմ հիշում, թե երբ եմ առաջին անգամ այցելել, իսկ առաջին գիրքը, որը ընտրել եմ՝ «Փոքրիկ Իշխան»-ն է եղել: Ես այս գիրքը ամեն ամառ կարդում եմ ու էնպես եմ կարդում, կարծես առաջին անգամ եմ կարդում:
- Արդյո՞ք ինտերնետը չի խանգարում կարդալուն:
- Ընդհանրապես համացանցը խանգարում է ամենօրյա կյանքին: Ես համացանցի օգնությամբ եմ փնտրում հետաքրքիր գրքեր, բայց երբեք չեմ փորձել գիրք կարդալ օնլայն տարբերակով, որովհետեւ տարբերությունը շատ մեծ է: Օրինակ՝գիրքը պետք է կարդալ մատիտը եւ գրիչը ձեռքին, որպեսզի կարողանանք նշել մեզ դուր եկած հատվածը: Իսկ էլեկտրոնային գիրք կարդալիս մենք կարող ենք լրացուցիչ նյութեր ներգրավել համացանցից: Ամեն դեպքում ես նախընտրում եմ գիրքը և խուսափում եմ համացանցից:
- Ուսանող լինելով՝ ինչ հաճախականությամբ ես այցելում գրադարան:
- Անկեղծ ասած նկատել եմ, որ հիմա ավելի շատ եմ այցելում գրադարան, որովհետև հիմա ես գրադարանում տեսնում եմ այն գրքերը, որոնք չկարդալ ուղղակի չեմ կարող: Բացի այդ, գրադարանի մթնոլորտը ինձ ներդաշնակություն է պարգևում: Ամեն անգամ, ես այցելում եմ գրադարան ավելի մեծ սիրով և ոգևորությամբ:
- Գրադարանը կարողանո՞ւմ է բավարարել քո պահանջները:
- Այո, գրադարանը մեր առօրյան ավելի հագեցած է դարձնում: Գրադարանվարուհիների ջերմ վերաբերմունքն էլ ավելի է ոգևորում և, անկախ ինձնից, անընդհատ ցանկանում եմ գնալ գրադարան:
- Ամենատպավորված գիրքը, որ կարդացել ես։
- Հիմա կարդում եմ Մարիո Պյուզոյի «Կնքահայրը» գիրքը: Ես շատ տպավորված եմ այս գրքով: Ու կուզենայի գրքից նշել մի հետաքրքիր հատված. «Եթե ես կարողանամ մեռնելիս արտասանել. «Կյանքը այնքան գեղեցիկ է», ոչինչ այլևս կարևոր չի լինի ինձ համար: Եթե միայն կարողանամ հավատալ ինքս ինձ, այլևս ոչինչ կարևոր չէ»: Հավատացե՛ք, այս գիրքը չկարդալով, շատ մեծ բան ենք բաց թողնում:
- Ձեր մաղթանքը մեր ընթերցողներին:
- Սիրելի՛ ընթերցողներ, ճիշտ տնօրինեք ձեր ժամանակը և ավելի հաճախ այցելեք գրադարան: Կարդացեք գրքեր, դրանք մեր առջև բացում են նոր աշխարհ, որտեղ ամեն ինչ տարբերվում է ներկայիս աշխարհից, այնտեղ կյանքի կանոնները այլ են, այնտեղ մարդիկ ուրիշ կերպ են ապրում ու մտածում:




















 

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Խնկո Ապեր- Առակներ
    Սահակյան Մ. - Տիեզերքը հավքի թևին
    Ափոյան Հ. - Խաղալիքների տունը
    Ուայլդ Օ. - Եսասեր հսկան
    Լեոնարդո Դա Վինչի առակներ, հեքիաթներ, լեգենդներ
    Բաում Լ. - Օզի զարմանահրաշ կախարդը
    Քերոլ Լ. - Ալիսը հրաշքների աշխարհում
    Ստիլիտոն Ջ. - Սև ծովահենի արկածները
    Շահնազարյան Լ. - Թարս թզուկը
    Նյոստլինգեր Ք.- կոնրադը
     

    Միջին և բարձր տարիք՝

    Սարգսյան Զ.- Անկատար խոստում

    Բակունց Ա. - Երկեր
    Անանյան Վ. - Որսորդական պատմվածքներ
    Րաֆֆի - Պատմվածքներ, վիպակներ
    Գալշոյան Մ. - Պատմվածքներ
    Ռոուլինգ Ջ. -  Հարրի Փոթեր Հ 1, 2, 3, 4
    Պալացիո Ռ. - Հրաշքը, Ջուլիանը
    Մոյես Ջ. - Ես մինչ քեզ
    Մարկ Արեն - Վայրի վարդեր
    Բրաուն Դեն - Ինֆեռնո
    Աթվուդ Մ. - Աղախնի պատմությունը
    Հոսեյնի Խ. - Հազար  չքնաղ արևներ
    Նապոլեոն Հիլ - Մտածիր և հարստացիր
    Ռոքֆելլեր Ջ. - Ինչպես դարձա միլիարդատեր
    Ուիլյամ Չ. - Խաղացողը
    Ռայխարդտ Հ. - Աշխարհի յոթ հրաշալիքները
    Марк Арен - Анатолийская история. Там где цветут дикие розы /роман/

     

Մեկնաբանություն

index
Ashkhen 2021-07-29 12:43:40 0 0
Շնորհակալություն Ձեր բարի վերաբերմունքի համար: