ՋԵՐՄՈՒԿ ՀԱՄԱՅՆՔԻ ՔԱՂԱՔԱՅԻՆ ԳՐԱԴԱՐԱՆԻՑ ՕԳՏՎԵԼՈՒ Կ Ա Ն Ո Ն Ն Ե Ր
- Ջերմուկ համայնքի քաղաքային գրադարանից կարող են օգտվել բոլոր մշտական և ժամանակավոր բնակիչները` առանց տարիքային սահմանափակման, եթե նրանք`
- Պարտաճանաչ կերպով ժամանակին վերադարձնում են գրքերը
- Խնամքով են օգտվում գրադարանի գրքերից՝ պահպանելով դրանց ամբողջականությունը ու նախնական տեսքը
- Ժամանակին կատարում են վճարովի ընթերցանության պայմանագրային պարտավորությունները: Նշված պայմանները չկատարող ընթերցողները զրկվում են գրադարանում սպասարկվելու իրավունքից տնօրենի որոշմամբ՝ գրադարանավարների գրավոր պահանջով:
- Բացի գեղարվեստական գրականությունից, մնացած գրքերն ու այլ հրատարակությունները ընթերցողներին են տրվում մինչև մեկ ամիս ժամկետով՝ օրը 10 դրամ վարձավճարով յուրաքանչյուր մեկ միավորի համար: Մեկ ամսից ավել, բայց ոչ ավել 6 ամսից, դրանք օգտագործելու համար կարող է ժամկետը երկարացվել, եթե տվյալ գրքի նկատմամբ այդ ընթացքում այլ ընթերցողի կողմից պահանջ չի ներկայացվել: Պահանջի դեպքում կամ 6 ամիսը լրանալուց հետո գրքերը /այլ հրատարակությունները/ անհապաղ պետք է վերադարձնել:
Գեղարվեստական գրականությունը ընթերցողներին տրվում է անվճար 10 օրից ոչ ավելի ժամկետով: Եթե տվյալ գրքի նկատմամբ 10 օրից ավելի օգտագործման ընթացքում այլ ընթերցողի կողմից պահանջ չի ներկայացվել՝ պահանջի դեպքում կամ 2 ամիսը լրանալուց հետո գիրքը անհապաղ պետք է վերադարձվի:
- Գրադարանի ընթերցասրահում մամուլի միջոցներից, բառարաններից , հանրագիտարաններից և տեղեկատու այլ աղբյուրներից օգտվելը անվճար է:
- Գրադարանային սպասարկման վարձավճարները գանձվում են գրքերը վերադարձնելիս, այդ մասին նշում է կատարվում ընթերցողի քարտում և վավերացվում երկկողմանի ստորագրությամբ:
- Գրադարանից անվճար կարող են օգտվել.
- Մինչև 16 տարեկանները գրադարանի ֆոնդի բոլոր բաժիններից նույն գրքի համար 10 օրից ոչ ավելի: 10 օրվա ժամկետից հետո յուրաքանչյուր օրվա համար՝ 10 դրամ:
- Դպրոցների 9-րդ և 12-րդ ավարտական դասարանների և ուսումնական հաստատությունների ուսման գերազանցիկները, եթե նրանց ընտանիքները սոցիալապես անապահով վիճակում են: Այդպիսի անձանց ցուցակները գրադարանին է հանձնում քաղքապետարանը:
- Գրքերի վերադարձման մասին գրադարանավարի պահանջը չկատարող ընթերցողը կհամարվի գրադարանի գույքը դիտավորյալ յուրացնող անձ: Այդ կապակցությամբ կկազմվեն համապատասխան նյութեր վարչական միջամտության համար: Կորցրած գրքերը պետք փոխարինել մեկ այլ համարժեք գրքով կամ վճարել գրքի գնի տասնապատիկը:
Առաջարկությունների, դիտողությունների ու գանգատների համար ընթերցողները կարող են զանգահարել 098 17 35 71, 093 03 24 47 հեռախոսահամարներով՝ տնօրենին :