Արձագանքելով մեր գրադարանի «ՕԳՆԵՔ ՄԵԶ, ՈՐ ՕԳՆԵՆՔ ՁԵԶ» կոչին՝ նոր գրքերի ձեռք բերման ցուցակներ կազմելու համար բազմաթիվ առաջարկություններ ենք ստացել բարձրագույն և միջին մասնագիտական ուսումնական հաստատություններում սովորող ուսանողներից: Ոմանք անձամբ են այցելում գրադարան և ներկայացնում իրենց ցանկություններն ու առաջարկությունները: Փետրվարի չորսին նախապես պայմանավորված ժամին գրադարանում տնօրենի ու աշխատակիցների հետ հանդիպման էին եկել Երևանի պետական համալսարանի ռոդիոֆիզիկայի 1-ին կուրսում սովորող Առաքել Առաքելյանը, Սոցիալական մանկավարժության 2-րդ կուրսում սովորող Էմմա Անդրիանովան, աշխարհագրության և երկրաբանության ֆակուկտետի 2-րդ կուրսի ուսանող Արշակյան Սոֆյան, Երևանի պետական մանկավարժական համալսարանի մշակութաբանության ֆակուլտետի 1-ի կուրսի ուսանող Անի Համբարձումյանը, օտար լեզուների ֆակուլտետի 2-րդ կուրսում սովորող Վանուհի Հակոբյանը, բանասիրական ֆակուլտետի 1-ին կուրսի ուսանող Վերոնիկա Եղիազարյանը, Ա. Բաբաջանյանի անվան երաժշտամանկավարժական քոլեջի 4-րդ կուրսի ուսանող Տաթևիկ Զաքարյանը, Պետական տնտեսագիտական համալսարանի Եղեգնաձորի մասնաճյուղի կառավարում ֆակուլկտետի 2-րդ կուրսի ուսանող Դավիթ Ավագյանը: Փոխադարձ հետաքրքրություն ներկայացնող հարցերի ու պատասխանների քննարկում ծավալվեց: Համատեղ որոշվեց առաջիկայում ևս կազմակերպել նման հանդիպումներ կոնկրետ գրքերի քննարկումների ու մտքերի փոխանակումների համար: