<<Ազգային գրադարանային շաբաթ>> միջոցառումների շարքը Ջերմուկի գրադարանում 24.04.2014թ.

«Ազգային գրադարանային շաբաթ» միջոցառման շրջանակներում ապրիլի 16-ից 23-ը Ջերմուկի քաղաքային գրադարանն աչքի ընկավ միջոցառումների կազմակերպման բարձր մակարդակով և ակտիվությամբ: Մեծն Եղեռնի զոհերի հիշատակին ընդառաջ գնալով` ապրիլի 16-ին ընթերցողների մասնակցությամբ անցկացվեց Պարույր Սևակի «Անլռելի զանգակատունը» գրքի քննարկումը: Հնչեցին սևակյան սռտառուչ տողերը, պատմվեց մեծ գրողի կյանքից : Ապրիլի 19-ին ընթերցողների ցանկությամբ կազմակերպվեց Թումանյանական փոքրիկ ցերեկույթ: 6-րդ դասարանի աշակերտուհի Նանե Եղիազարյանի երգեցողությամբ ընթերցողները վայելեցին Հ.Թումանյանի «Ախթամար» լեգենդի կատարումը: Հնչեցին Թումանյանի քառյակներն ու մեկնաբանվեցին:
Միջոցառման շաբաթն ամփոփվեց անակնկալներով: Կազմակերպվեց գրադարանի տնօրեն՝ տկն. Զ.Սարգսյանի հեղինակային հեքիաթների ընթերցանություն: Ապրիլի 21-ին 6-րդ դասարանի երեխաների համար ընթերցվեցին «Խոսող գաթաները» ու «Վարագույրի աղջիկները» հեքիաթները, իսկ ապրիլի 22-ին տնօրենի հրավերով փոքրիկ այց-էքսկուրսիա կատարեցին Ջերմուկի «Զատիկ» մանկապարտեզի ավարտական խմբի սաները, ուստի շատ լավ առիթ էր նրանց գրքին, մայրենի լեզվին, հայտնի մանկագիրներին ու մայրիկների պատմած հեքիաթների հերոսներին ծանոթացնելու համար: Փոքրիկների համար ընթերցվեց հերթական հեղինակային՝ «Առանց ականջների տղան» հեքիաթը, որը հիացմունք պարգևեց թե՛ երեխաներին, և թե՛դաստիարակչուհիներին: Հեքիաթն ուսուցանում էր սիրել շրջակա միջավայի ծառերն ու թփերն, անօգնական ճնճղուկներին ու կենդանինեերին: 

Աշխատանքային ժամ
  • Երկուշաբթի - ուրբաթ
    11.00 - 18.00
  • Շաբաթ - կիրակի
    11.00 - 17.00
 
Ամենաշատ ընթերցվածը վերջին 10 օրում
  • Մանկական գրականությունից՝


    Թումանյան Հովհ.- Հեքիաթներ
    Աղայան Ղ. - Հեքիաթներ
    Խնկո Ապեր- Առակներ
    Սահակյան Մ. - Տիեզերքը հավքի թևին
    Ափոյան Հ. - Խաղալիքների տունը
    Ուայլդ Օ. - Եսասեր հսկան
    Լեոնարդո Դա Վինչի առակներ, հեքիաթներ, լեգենդներ
    Բաում Լ. - Օզի զարմանահրաշ կախարդը
    Քերոլ Լ. - Ալիսը հրաշքների աշխարհում
    Ստիլիտոն Ջ. - Սև ծովահենի արկածները
    Շահնազարյան Լ. - Թարս թզուկը
    Նյոստլինգեր Ք.- Կոնրադը
     

    Միջին և բարձր տարիք՝

    Սարգսյան Զ.- Անկատար խոստում
    Անանյան Վ. - Որսորդական պատմվածքներ
    Րաֆֆի - Պատմվածքներ, վիպակներ
    Ռոուլինգ Ջ. -  Հարրի Փոթեր Հ 1, 2, 3, 4
    Մոյես Ջ. - Ես մինչ քեզ
    Մարկ Արեն - Վայրի վարդեր
    Բրաուն Դեն - Ինֆեռնո
    Աթվուդ Մ. - Աղախնի պատմությունը
    Հոսեյնի Խ. - Հազար  չքնաղ արևներ
    Նապոլեոն Հիլ - Մտածիր և հարստացիր
    Ռոքֆելլեր Ջ. - Ինչպես դարձա միլիարդատեր
    Ուիլյամ Չ. - Խաղացողը
    Ռայխարդտ Հ. - Աշխարհի յոթ հրաշալիքները
    Марк Арен - Анатолийская история. Там где цветут дикие розы /роман/

     

Մեկնաբանություն

events_details