Ջերմուկի քաղաքային գրադարանը ստացել է արժեքավոր նվիրատվություն. ՀՀ կրթության և գիտության նախարարության Գորիսի պետական համալսարանի գիտական խորհրդի երաշխավորությամբ Սյունիքի հայագիտական հետազոտությունների կենտրոնի (ՍՀՀԿ) կողմից հրատարակված <<Հայագիտություն, Սյունիք, 2016 թ., թիվ 1>> գիտական նյութերի ժողովածուն:
Ժողովածուի գլխավոր խմբագիրն է բ.գ.թ. դոցենտ Մ. Ս. Քումունցը: Նրա բարի ցանկությամբ և հարգարժան Աշոտ Սիմոնյանի միջոցով գրադարանն ունեցավ այդ ժողովածուն, որի համար հայտնում ենք մեր ընթերցողների երախտագիտությունը:
Ընդգրկված են լեզվաբանության, գրականության, բանահյուսության, պատմության և ուսուցման մեթոդիկայի վերաբերյալ ուսումնասիրություններ ու հետազոտություններ, որոնց հեղինակները հայտնի ու ճանաչված գիտնականներ ու հետազոտողներ են: Հավելենք, որ ժողովածուի նյութերը ուղեկցվում են ուշագրավ ծանոթագրություններով, հղումներով և տեղեկատու աղբյուների հիշատակումով: 
Ներկայացնում ենք ժողովածուի նյութերի ցանկը .
Լեզվաբանություն
1. Հայերեն ճանդարի <<Սոսի>> բառը – Հրաչ Մարտիրոսյան (Վիեննա)
2. Սյունիք-Արցախ բարբառների ստուգաբանություն – Հրաչ Մարտիրոսյան (Վիեննա)
3. Զանգեզուր տեղանվան ստուգաբանության շուրջ – Մհեր Քումունց (Գորիս)
4. Ֆիզիկական աշխարհ նշող գրաբարյան շերտի բառերը Սյունիք-Արցախ տարածքային բարբառներում – Մհեր Քումունց (Գորիս)
5. Գրաբարաբանությունները Ս. Խանզադյանի <<Թագուհին հայոց>> պատմավեպում – Լուսինե Ներսիսյան (Գորիս)
6. Ձևաբանական իրողությունների լեզվաոճական դերը Ս. Խանզադյանի արձակում – Ինգա Մարգարյան (Գորիս)
7. Դարձվածքների իմաստային ոճական արժեքը Սուրեն Այվազյանի <<Տուր ձեռքդ, կյանք>> վեպում – Էդիտա Կարապետյան (Գորիս)
8. Միակազմ նախադասությունները Համո Սահյանի <<Ինձ բացակա չդնեք>> ժողովածուում – Հասմիկ Գրիգորյան (Կապան)

Գրականություն
9. Միֆակիրառումը Սերո Խանզադյանի <<Հորս հետ և առանց հորս>> ինքնակենսագրական վիպակում – Ռիմա Ստեփանյան (Գորիս)

Բանահյուսություն
10. Գորիսի բանահյուսությունը – Լուսինե Ներսիսյան (Գորիս)
11. Դեւի հումանիստական կողմերը Գորիսում գրի առնված երկու հեքիաթում – Սոնա Ալավերդյան (Գորիս)

Պատմություն
12. Էջեր Զանգեզուրյան հերոսամարտերի. 1906 թ. – Համլետ Գևորգյան (Երևան)
13. Սյունիքի ազատագրական շարժումը 1722-1730 թ.թ. և Դավիթ Բեկը՝ որպես շարժման առաջնորդ (Դավիթ Բեկի անձնավորության և ծննդավայրի մասին) – Մալիկ Թելունց (Գորիս)
14. Դրվագներ կապանյան դպրոցների պատմությունից – Գրիշա Սմբատյան (Կապան)
15. Սյունյաց իշխանական տունը մինչև 5-րդ դարի սկիզբը – Ժիրայր Միրումյան (Գորիս)
16. Տաթեւի ջրանցքի և նրա հետ կապված մի քանի հարցերի շուրջ – Հրայր Պետրոսյան, Մհեր Քումունց (Գորիս)
17. Համառոտ ակնարկ Հոչանց գյուղի պատմությունից – Զոհրաբ Ըռքոյան (ԼՂՀ, Բերձոր)
18. Գորիսի հին տների դարպասները – Սերգեյ Հախվերդյան (Գորիս)
19. Գարեգին Նժդեհը Վայոց Ձորում – Աշոտ Սիմոնյան (Վայոց Ձոր)

Մեթոդիկա
20. <<Սպիտակ գառը>> պատմվածքի ուսուցումը – Սուսաննա Գրիգորյան (Գորիս)
ՋԵՐՄՈՒԿԻ ՔԱՂԱՔԱՅԻՆ ԳՐԱԴԱՐԱՆ