Նոր /COVID-19/ կորոնավիրուսի հետևանքով ստեղծված իրավիճակի պայմաններում, համայնքապետարանի ենթակայության տակ գտնվող հիմնարկների տարեկան հաշվետվությունները հետաձգվել էին: Մի քանի ամիս ուշացումով, բայց բովանդակալից հաշվետվություն ներկայացվեց Ջերմուկի համայնքային գրադարանի կողմից:   

Գրադարանային հավաքածու` 24165 միավոր, որից տարվա ընթացքում

 ստացված՝ 623, այդ թվում՝ տեղական բյուջեի միջոցների հաշվին՝ 326, նվիրատվություններ՝ 297:  Գնումները հիմնականում կատարվել են Անտարես, Էդիտ պրինտ, Նոյան տապան հրատարակչություններից: Նպատակային կարգով ընտրվել ու ձեռք են բերվել ժամանակակից գրողների ստեղծագործություններ, հասարակական-քաղաքական,  մասնագիտական և ուսումնական գրականություն:

Ընթերցողների թիվը` 662, որից մինչև 15 տարեկան՝ 385,  տասնվեցից մինչև քառասուն տարեկան՝ 229, քառասունից բարձր՝ 48: Ըստ կրթության – բարձրագույն և թերի բարձրագույն կրթությամբ՝ 89, միջնակարգ և միջնակարգ մասնագիտական կրթությամբ՝ 120:

Հաճախումները – 7440

Տացքը – 7677

Տեղի են ունեցել 12 գրադարանային միջոցառումներ: Հիշարժան է Ջերմուկի, ինչպես նաև Կեչուտ, Գնդեվազ, Հերհեր և Կարմրաշեն բնակավայրերի դպրոցներից հանրապետության բուհեր ընդունված 24 պատանիների ու աղջիկների հանդիպումը համայնքի ղեկավարի հետ, որի ընթացքում նրանք ստացան անվանական նվերներ ու շնորհավորական բացիկներ: Այս միջոցառումը գրադարանում կդառնա ավանդական: Գրադարանը սեփական նախաձեռնությամբ կազմել է ավագ դպրոցի ուսուցչուհի Ալիսա Ամիրջանյանի պատմվածքների ժողովածուն, կազմակերպել շնորհանդես և քննարկում:

Ստեղծվել և գործում է գրադարանի կայքը. http://jermukigradaran.am/, որով հրապարակվել են գրադարանային հավաքածուի բոլոր բաժինների գրքերը համառոտ անոտացիաներով, գրադարանային միջոցառումները, գրքերի տեսություններ և այլն: 

Գործում է գրադարանի ֆեյսբուքյան էջը web.facebook.com/Jermuklibrary/, որտեղ լուսաբանվում են գրադարանի միջոցառումները, նոր ստացված գրքերը: 

Գրադարանը բաժանորդագրությամբ ստանում է հանրապետական թերթեր ու ամսագրեր

Գրադարանի բյուջեն – 12,5 միլ. դրամ

Գրադարանի շենքային պայմանները – լավ վիճակ, վերանորոգված, կահավորված, ջեռուցում,  ինտերնետ և հեռախոսային կապ, համակարգիչներ՝ 3:

Գրադարանային աշխատողների թիվը – 3 

Գրադարանը աշխատում է առանց հանգստյան օրերի և առանց ընդմիջման:

 Ա ն ե լ ի ք ն ե ր

 

Կկատարվեն գրադարանային հավաքածուի ստուգման և զտման աշխատանքներ: Կառանձնացվեն ու դուրս կգրվեն արդիականությունը կորցրած, հետագա օգտագործման ոչ պիտանի գրքերը:

Կկազմակերպվեն միջոցառումներ տարիքային տարբեր խմբերի ընթերցողների համար և նրանց ներգրավմամբ:                                                                                                                                                                                                                                                                                                                                                                                                                                                                                                  ՏՆՕՐԵՆ՝     Զ. ՍԱՐԳՍՅԱՆ